Thursday, August 29, 2013

देश आई ई कानि रहल अछि

                                                                   पिछरि- पिछरि क खसय रुपैया
                                                                   महगी करबय ताता - थैया
                                                                   अर्थशास्त्र केर बड़का बड़का
                                                                   पंडित के ने गुदानि रहल अछि
                                                    देश आई ई कानि रहल अछि


बलात्कार केर प्रतिदिन घटना
मुंबई, दिल्ली वा हो पटना
धंसल वासना केर दलदल में
लोक, लाज नहीं मानि रहल अछि
                   देश आई ई कानि रहल अछि


                                                                   नेता सब भेल चोर-उचक्का
                                                                   तें उतरल अछि देशक चक्का
                                                                   लुटबा लेल छुटपुजियो नेता
                                                                   सब क्यौ समय अकानि रहल अछि
                                                   देश आई ई कानि रहल अछि


आई समस्या देश सुरक्षा
वृहन्नला की करतै रक्षा
अपनहिं कुर्सी बचबS खातिर
कूदि रहल अछि, फानि रहल अछि

2 comments:

  1. bahut neek pryas aichh aditya ji.. deshak maujuda halat par bahut neek kataksh aichh.. :)

    ReplyDelete
    Replies
    1. बहुत बहुत धन्यवाद अभिनव भाई

      Delete